頭大如斗, 眼鏡難求

我帶眼鏡都有十多年, 大大話話都帶過超個十幾二十副眼鏡, 不過其實帶得舒服的真的是無幾. 無他的, 頭大嘛, 又高低耳, 再加上多面油多(蘊藏量豐富得如一條油炸鬼). 副眼鏡一係唔夠闊夾到兩邊耳仔好痛, 當我把其”調教”到夠闊的時候又因為面油多而成日”冼”落黎…

直到最近我在網上看見一個S品牌的鏡框, 令我重燃希望…網友們都說其輕到不行. 連鏡片得7g. 又話帶了等於沒帶一樣, 心諗: 有冇咁正呀….一於去試下. 真係好輕. 且是鈦金屬可以隨意摺曲, 就算夾住兩邊都沒有感覺. 好似幾好咁.

結果試下試下比人落足嘴頭(其實我覺得似降頭多d), 就配了一副. 幾貴下. 擒晚終於有得攞. 帶落去真係幾舒服, 雖然不至於沒帶一樣, 不過比以前好得多了. 唯一的缺點是個眼鏡臂唔多夠長, 雖不至於帶落去不舒服, 但當我摸摸耳仔後面的勾咁短的時候, 總係有d唔安樂. 不過其實我買個個框已經是長眼鏡臂version 了…哇…

Last but not the least. 多謝我內人. 因為副眼鏡係佢送比我的. hehe

新婚

最近買的一部laptop. 買這部機是比內人去樓下會所讀書時可以繼續上網用的 (算把啦, 我得認主要的原因是為滿足自己的買嘢癮). 不過內人都是在家讀書多. 所以部機都係我用多…哈哈! 不過有度好. 就是我們一同在書房的時間多了. 她讀書, 我上網. 變相溝通的時間都多了. 之前沒想到呢…

我們都算是新婚…結了婚太概是一年多. D人話新婚蜜月期之後會特別多爭吵, 而且可能只是為了一些雞毛蒜皮的事Tim. 不過很好彩, 我和我的內人卻沒有很嚴重的這種情況. 不過真係越來越覺得其實結婚只是兩個人的一個新開始, 就算你們之前拍了幾多年拖都係咁話.

我所認識的一些朋友, 他們結婚時很著重婚禮的形式, 如去邊到擺酒, 租/買幾多套禮服, 租什麼花車, 去邊度映相等(其實我地當時都係咁). 但其實我現在覺得結了婚之後如何好好的一起生活才是最重要的課題, 所以我現在都會鼓勵我身邊快要結婚的朋友去參加一D婚前準備課程. 好好預備一下.

撤銷柴油稅

以下其實應該上個星期二post的文，我懶到今天先出…唉

根據AM730今天的報導, 多個運輸業團體計畫今日下午一時在葵涌, 落馬洲管制站和中環罷駛5分鐘, 要求政府撤銷柴油稅, 以及在邊境增設出境車輛免稅油站. 估計會有一千部車參加, 包括的士, 小巴, 中重型貨車等…

我之前都看過另外的一篇報導, 說在中國大陸(好像是北京)的的士司機為了節省一點的燃油, 在站頭等客的時候都會把引擎關掉, 排隊向前是都會人手推車…..

作為一個香港人的我…看完以上兩篇報導之後完全無言…

晚上看新聞的時候, 看到運輸業團體的發言人說要求撤銷柴油稅的”理據”: 因為政府有盈餘, 加上從來沒有support過佢地的行業, 所以bababa….

當我們一面話政府出綜援是養懶人. 另一面又猛大叫政府要support自己行業, 不是很矛盾吧. 有時真係好希望政府快d洗曬d reserve. 唔使等d人成日都”侯” 住d錢…

Chu’s Cuisine

擒晚去左東涌一間叫Chu’s Cuisine 的意法菜館食dinner. 其實我同我的內人是看到報紙的報導才去試下(我地住東涌嘛), 報紙話個廚師阿ling今年二十歲. 但已經在十八歲那年贏取香港國際美食大獎西式熱盤組銀獎，成為最年輕的得獎廚師. 報導看這裡

間菜館的裝修好簡單, 不過好舒服. 阿ling在廚房探頭出來和我們打招呼. 不過佢夜媽媽都仲帶住幅黑超. 都幾型. 哈

點了兩個set dinner. 是羊架同魚(唔記得是什麼魚了….hehe). 味道很好. 不過最impressed是佢地好認真的做菜, 從菜的賣相同隻碟是先弄熱才上菜就知. 連d配菜都不馬虎. 今餐味道又好又食得舒服. 我同內人仲詳談了很久對很多事的看法才走. 好耐冇試過呢…

當好多二十歲的年輕人晚晚蒲天光, 唔知自己做mud. 只識吃渴玩樂, 一身卡數的時候. Ling 已經知道自己的興趣, 全力以赴. 做出成績, 實在令我都自愧不如.
這些咁有為的青年人應該要支持下呢, 所以我決定下個星期約多d friends 再去.

地址﹕東涌上嶺皮村9號A地鋪
電話﹕2988 1323

唔識去?唔緊要, 東涌地車站有專車接送呢. 不過要記住帶多d cash. 佢地唔收card o家.

彈弓口

D人成日話信報的老曹彈弓口, 我睇了他的投資者日記十年其實都唔係好覺得有什麼問題, 心諗投資市場千變萬化, 打倒昨日的我真係有什麼出奇, 不過, 上個星期四同五的投資者日記關於油價的評論都忍唔住要說兩句:

星期四原文照quote:

“而油價中有十五至三十美元係政治風險溢價, 一旦政治風險下降, 油價由七十八點五美元回落至六十三點五美元甚至四十八點五美元亦唔出奇. 但唔會因此改變油價上升趨勢, 除非美國經濟出現衰退. 而油價回落只視作整固, 估計六十五美元以上支持力好大”

星期五原文照quote:

“剔除政治風險, 油價有機會回落到六十美元一桶, 但如希望油價低於六十美元, 除非美國明年經濟出現衰退…”

如果下文說的”剔除政治風險” 是等如政治風險溢價的消除的話. 那為什麼星期四政治風險下降可以使油價回落到四十八點五美元. 而星期五政治風險剔除只可以使油價到六十美元一桶呢?

如果我有理解錯誤的話, 請指正.

日本, 靖國神社, 北方四島

看到日本首相小泉純一郎在日本的戰敗日參拜靖國神社, 我心裡在想的是為什麼他可以完全不顧日本和鄰國的關係而一而再,再而三要到處惹火頭呢. 我想最大的原因是有美國在後面撐腰. 你見美國在靖國神社的問題上只說是日本的內政而不致可否, 等如默准日本這樣做一樣. 美國這些年來在世界到處惹火頭, 他在亞洲的’忠實盟友’ 也在做同樣的事. 真是難兄難弟了.

眼見日本同俄羅斯再就北方四島的問題起事故, 如果長久下去, 日本跟鄰國的關係只會更冷淡. 難道他們從我們中國學了這麼多東西都不明白遠親不如近鄰的道理嗎?

我中了四千八百萬六合彩呀

…發夢個時…

我同好多人一樣, 好想中六合彩…特別是一注頭獎獨得(仲要係金多寶)個d. 心諗可以一炮過還清個Home Loan, 唔使為錢而工作的時候, 就由心到笑出來.

不過諗深一層, 如果個天真係有一日比咁多錢我…我斷估唔會無嗱嗱咁好死掛. 梗係想我幫佢做d嘢又或者要同我交換一d嘢. 但係我真係冇嘢同佢交換wor…我條命? 我或我家人的健康? 我的人格(唔係呀!咁賤都要?), 我同身邊的人的關係? 唔”掣”wor… 我唔想交換wor….

不如我幫佢做d嘢啦….做下善事啦不如…捐錢去奧比斯, 樂斯會, 紅十字會呀. 到時我可能會捐我中左的一半出去o家. 哈哈!...

三十而立,我唔係垃圾

一 個人到了三十歲,工作了好幾年,想的東西自然多了。剛剛畢業的時候,只要有份正當的工作,個個月有糧出就滿足。唔理這是否自己喜歡的工作。但人總是不滿足 的,基本的先生活不成問題之後就想人生意義的問題。開始問自己的人生目標係乜?是否每天返工等放工等出糧就一世。答案一定是否定的,但如果你問我喜歡做什 麼?我又真係答你唔到。問我有什麼目標,我都會答唔到你。我好羡慕個D知道自己目標和方向而又努力不懈做出成績來的人。相比起他們我就似一隻遊魂野鬼(農 曆七月,應下節先)

不過我又唔係諗得咁灰嘅,覺得自己一事無成,最起碼我係人地個仔,人地個阿哥同人地個老公,這些角色讓我知道我自已生存的價值在那!雖然有時做這些角色要擔起的責任不少,不過我覺得人係有些committment才有意義呢!


所以呢...雖然我冇大志,卻不覺得自己一無是處....

三十而立

終 於有自己的一個blog了。其實這 個blog己經開了幾天,不過第一篇都要等到今天寫,因今天是小弟的生曰,仲要係三字頭的第一個生曰。古人話三十而立,對 於我這個剛結婚不久的男人來說,好像是一個要認真想想的課題。究竟三十而立是什麼意思呢?諗來諗去都唔係太清楚。都係一日復一日的返工放工再返工再放工。

也曾經好認真想過應該這個blog應該要放什麼,最後都係決定求其喇,想到什麼就寫什麼吧!