日本櫻花

每年的這個時候, 身邊總會有些朋友對我說要去日本看櫻花. 話什麼上次去到一朵到看不到, 今年要再去云云. 其實我之前一直都不明白個D 櫻花有什麼吸引人的地方, 心想:” 櫻花之嘛, 我地長洲都有啦, 駛唔駛山長水遠去日本睇呀?”. 直至上個星期我去完日本返o黎之後….

之前內人話想去日本睇櫻花, 當然我唔會將我上面的感覺講出來啦. 我只係話睇我請唔請到假先啦, 結果又比我請到wor (要多謝我老闆), 咁於是乎上個星期就去了京都同大阪七日了.

日本我同內人其實已經去過兩次的了, 第一次是八年前剛剛出來做事的時候. 第二次是前年渡蜜月的時候. 在之前的印象中, 日本人是一個很有禮貌, 很守規則的一個民族, 就算你只係同佢買一盒草餅, 佢都會前前後後講成十次多謝好似你請救o左佢全家咁. 在他們的火車裏你也永遠聽不到他們大大聲講電話, 和人對話都永遠細細聲. 係香港…? 冇o野講啦.不過他們的英文水平就是比香港人更差…很多都不懂得英文…但他們明知你不懂日文他們又會不斷的同你講日文, 好奇怪.

今次去日本反而覺得他們的英文好了, 最起碼他們會知道你不懂日文的時候會try 同你講英文. 旅程中都遇到幾個日本人主動的用英文問我地有什麼可以帮手的.

講返櫻花, 今次我同內人都好好彩, 看見滿開的櫻花, 一棵櫻花樹上全都是白色的櫻花, 看不見綠色的樹葉. 而一眼望去全都是櫻花樹, 你成個視線範圍都係白色的. 可以想像個情景其實真係幾震撼. 內人話每年的櫻花都係開十日八日到, 所以話我地真係好好彩.

去日本點可以唔講下日本妹? 開頭都覺得佢地好靚, 不過睇多幾日就發覺佢地都個個(包括d 婆婆)都化濃妝, 而又都著得差不多, 好似倒模出來一樣. 去到旅程的後半段反而那些沒化妝的會望多兩眼tim. 不過都好難搵下, 因為佢地連街頭賣雪糕的都會full gear上陣. 到最後, 其實都係覺得我內人不施脂粉可愛d.

今個旅程回味無窮, 簡直唔想返香港. 很少trip我會有這個感覺. 最後要多謝內人(於極短時間內)plan 這好個 trip, 由訂機票酒店到去到日本用日文問路找o野食一手包辦, 簡直利害. 而我….就像一個麻煩的團友一樣, 剩係識得問今日會去邊? 今晚食mud o野? 聽朝幾點morning call? 對個trip一點貢獻都沒有. 但最最最難得的是內人一點也不嬲, 仲話佢都玩得好開心呢.

多謝您. 有您真好.