我真係要減肥嗎??

琴日同內人一同去看body check的報告, 好在大部份的指標都很正常, 只是有兩個我從來從來沒有想過它會有問題的指標出了一些狀況. 第一個是體重, 醫生說我要控制體重, 因為我的身高與體重指標已經有點超標了. 這簡直是我不敢想像的. 從小到大我都一直很驕傲自己有一個”油浸都唔肥”的身體. 我諗極都唔明點解會有這個情況.

第二個指標是血壓, 我竟然有少少的高血壓. 可能是因為我肥了的關係吧, 而事實上我是的確比我上一次做body check 時重了二十多磅.

攪什麼鬼??我還沒可以接受這個事實啊. 我真係要減肥嗎??

貨 Lift 雜感

我係公司上上落落其實大多數都會搭貨 Lift 的. 無他的, 因為我個位比較近個貨 Lift. 要遲到早退(如果)的話都冇咁覺眼嘛.

搭貨 Lift的都唔會係一般同事的了. 撞口撞面的都係做清潔的叔叔嬸嬸呀, 速遞公司的工作人員呀, 同埋個d送菜來的小販 (我做o野個座的Office Building 是有Canteen的).

架貨 Lift 其實她是很慢的, 上又慢, 落又慢, 開門又慢, 關門又慢. 有時仲要層層停呢. 有時真係幾惱人的. 之不過, 架Lift其實是充滿著人情味的. 點解我會咁講呢? 因為我見到個d清潔叔叔嬸嬸, 速遞公司工作人員同送菜來的小販, 個個都好似好熟落咁, 有講有笑的. 就算架Lift 幾full 都好, 佢地都會盡量就下位睇下可唔可以入多個人入多架車仔, 有時又互相訴下苦, 講兩句粗口然後又哈哈大笑 .

反觀客Lift方面, 粗口當然唔會聽到啦, 開口埋口聽到的都係工作,唔係就係你ABC 股票你抽到幾多幾多. 再唔係就係度曬自己新款的手提電話呀, LV袋呀咁囉. 最唔好係有d 人”撓”起隻手, Lift掣關門掣又唔按, 奉旨等人幫佢按咁.

所以呢, 雖然架貨 Lift係好慢, 不過我都係鍾意架貨 Lift多d.