物慾

唉….近排心思思又想買嘢….咪又想買手機囉…冇…出左bonus呀嘛

我覺得我個人其實都幾慳, 食又食得平, 衫又好日都唔買多件, 就係鐘意買下手機呀, 相機, PDA呀喱d 電子產品同埋模型咁囉..

內人對於我已經冇曬辦法. 只係笑笑話兩句算. 不過咁, 我都會買什麼比較貴(超個五六百元)的東西時都會問過佢先. 而通常佢都會抵擋不住我的疲勞轟炸而話 : “事但你啦”…嘿嘿又得左!

上個星期睇左 ”向世界出發”, 個主持人講到在佛學裡, 其實物慾是一種包袱, 他舉了一個例子, 他有個朋友買了一架新車, 而在這架新車落地一年之後竟然連sit 位的封膠都未拆, 主持人覺得他這個朋友好像在服侍部車咁. 咁部車就已經成為佢的包袱. 雖然我的信仰不是佛教, 但是我都十分認同這個見解, 好似我咁, 每次買部新電話時, 都用得小心翼翼, 驚死整花佢, 又四圍同部機找保護套呀, 水昌殼咁, 其實都幾煩. 一旦發現有花時又心痛. 成日囉囉亂.

我知我明白, 部機要買來用的嘛, 不是藝術品, 更加不是古董, 不需要”愛護有加”的. 不過知還知, 做得到先得o家

見證歷史

今晚放工飛快趕回家看第二場也是最後一場的特首候選人的電視辯論. 這玩意是在香港也是頭一次出現的. 所以我才說是見證歷史. 其實大家都好清楚誰人會勝出這次的選舉.的 梁家傑先生的出選的而且確是帶給這個小圈子選舉的一個全新的氣象.

有些人會講梁先生所提出的政綱不切實際, 只是口號式的叫2012要有雙普選, 是的, 開頭當他發表他的各方面的政綱我的確有這個感覺, 就算到今日的電視辯論我都覺得他說得就動聽, 到他真的當上做特首的時候我相信他就不能這麼的瀟灑. 但當我想深一層, 這又有什麼所謂呢? 梁先生的出選的原因如他所說是輸定的, 旨在為這個小圈子選舉帶來競爭和新氣象, 在這方面我覺得已經是超額完成的了.

但更難得的是梁先生的班底沒有因為知道自己輸定而只當這次競選為做show, 我看到的是他的政綱雖然稱不上完備. 但在各個方面都有自己的主張. 看得出明顯是經過推敲才推出的, 而兩次電視辯論的表現也相信是經過苦練才有這個成績的(雖然梁本身都是大律師). 另我對公民黨(不是對泛民)有所改觀.

我覺得今次梁的出選除了對曾先生構成壓力外, 也為泛民上了寶貴的一課”實戰” 課, 同埋我相信香港的市民自今次之後更加會對那些表面有競爭而實質是中央欽定的小圈子選舉更加反感. 而之後獲中央祝福的候選人就更加要裝備自去準備面對全港的市民.

不過我是矛盾的, 雖然我是真心的欣賞梁家傑, 但我卻是支持曾蔭權當選, 始終我比較相信他是比較有能力做好特首.

渣打馬拉松

今日跑渣打馬拉松, 雖然只係十公里, 都累到想死. 不過可以完成成個比賽, 已經對自己有交代, 也完成之前定下的目標了, 第一年參加差不多的了. 下年希望完成時間方面可以做好D