M 型社會

另一個中期人口調查結果反映而我又關心的現象就是M型社會的來臨, 調查結果顯示香港貧富懸殊的情況正在加劇. 月入少於8,000元的家庭亦增加5%，佔本港整體家庭數目的21%；而入息逾60,000元的家庭亦較10年前增加1.4%.

這個現象反映了什麼呢? 我想是中產階級不斷的消失, 一些不能夠在這個競爭激烈的社會中更上一層樓的中產, 就會不斷的向下流動. 我們現在都算是中產階級, 如果你問我擔唔擔心有朝一日會被淘汰而向下流動呢, 唔擔心就是騙你的.

所以我現在的對策是盡量都會節儉一些(雖然有時還是很喜歡買電子產品!), 盡量會節省一些無謂的開支, 食得平D, 穿得平D. 最主要是希望自己不要養成高消費的習慣, 一為當習慣一但形成就好難可以改番轉頭了.

至於點樣才可以令自己更上一層樓令自己成為富有人家呢? 對不起我仲諗緊….

女多男少

琴晚看電視新聞, 看到中期人口調查結果出了. 顯示女多男少的現象在過去十年有惡化的趨勢. 無線在街頭訪問了好幾位市民對此的看法. 印象很深的是訪問了其中的一位女仕, 她好像不太想面對鏡頭, 但又不吐不快, 大意是說差的男生又看不上眼, 好的讀書的時期已經比人Mark 左 (要用到Mark左這個形容詞?) . 說時帶一點無奈, 又加一點怨憤…簡直就是百感交雜.

我對於這位女仕的印象特別深的原因不是因為我認識她, 而是她所說的和我所認知的很相近. 我所認識的朋友中而又結了婚的, 大多數他/她們的另一半都是有讀書的時候認識 (內人其實都是我大學的同學呢), 有些可能根本兩個都是我的中學同學呢 (做人情都要做多D…)

其實為何會有這個現象呢? 我唸來唸去, 可能是因為一出到嚟做嘢, 大家都要博殺, 邊有咁多時間拍拖, 你知啦, 拍拖是一個極度虛耗時間同金錢的事情嘛. 特別是我同我班同學仔出來做嘢的時候, 剛剛是金融風暴之後, 如果唔醒醒定定, 分分鐘連份工都冇埋, 到時仲講什麼拍拖呢?

我身邊越來越多的女性朋友叫我介紹一些好男仔比佢地識, 其實有時都會”鄧”佢地心急, 不過作為朋友的我都會盡量幫手的. 不過有時老實講真, 現在的男生有部份又真係好難叫人看得上眼的. 個個都好似電車男咁. 不過我都可以肯定在一些女生眼中我都是看不上眼的呢,…哈哈

我會做好呢份工

近來上面句口號成為城中的熱門話題, 我也從朋友和同事的e-mail中收到很這句 口號的變種, 香港人的頭腦真係快, 好!等我都玩下先, 下面的句子上一半部是其他人傳給我的, 下半部是我自己試下接上去的. 純粹玩下, 不喜勿怪.

地盤工：「我會鑿好呢個窿！鑿穿煤氣係贈送!」
肥師奶：「我會煮好呢餐送！不過樣樣都係凍!」
麻雀腳：「我會打好呢隻東！跟手就叫埋卡窿!」
便秘漢：「我會出好呢個恭！雖然唔係好輕鬆!」
經紀陳：「我會賺好呢個佣！然後消失人世中!」
祈福黨：「我會博好呢個懵！騙哂你D老懵懂!」
蠱惑仔：「我會紋好呢條龍！邊個話我係條蟲!」
一樓一：「我會做好呢隻鳳！免收加一為民眾!」
私鐘妹：「我會出好呢個鐘！免得日日食西風!」
女明星：「我會隆好呢個胸！唔係點可以得寵!」
氣功師：「我會發好呢次功！隔空治病確不同!」
八達通公司：「我會整好八達通！多除少補請通融!」
天文台：「我會測好呢個風！掛八號要等放工!」
鐘錶師：「我會整好呢個鐘！因為呢個係古董!」
廚師：「我會爆好呢碟蔥！魚蝦蟹蜆係主餸!」

有些人會覺得一個特首候選人是不應該視特首的工作為一份工, 我倒沒有所謂, 無論他/她視攪好香港為目的或手段都好, 因要他/她有能力攪好香港和個人奉公守法, 我覺得就可以了.