大家都要犧牲

琴日係小一自行分配學位放榜的日子, 本來年年如是, 沒有什麼特別. 不過我今日看到新聞說有一對父母為了讓次子可以入讀一所名校, 竟然要自己原本在該校準備升中的長子留級. 以期次子以世襲的理由入讀. 還拋出一句 : 「大家都要犧牲」…..

要留班對於一個學生的打擊是好大的. 對一個中學生要repeat 中五已經是一件唔好受概事, 更何況是對一個小六學生? 他如何面對他已經升了中一的同學? 如何面對現在同班小六的同學?

依家個個都講名牌子, 揸車要Toyota, 電話要Nokia, 手錶要Omega, 讀書?....梗係要喇沙…..好似冇幾件名牌”榜”住做人唔成咁.

我識得有個女性朋友, 中學在籃田一間有名的中學度讀, 不過本身屋企住沙田. 本來我這位女性朋友當時升中的時候十分十分希望可以原區升中, 不過其父母拜倒名校的石榴裙下, 一定要我這位女性朋友每朝千里沼沼由沙田去籃田返學, 結果呢….. 結果我這位女性朋友時常比人在巴士上毛手毛腳, 當時的他又唔敢出聲. 以為返到學校會好d, 邊知d老師眼裏只有個英文字母 “A”. 對於個d成績一般的同學就冷言冷語. 老師都既然係咁, d同學仔都唔好得去邊. 個個都自己顧自己. 用盡方法去討好老師. 那有校園生活可言?

這幾年的中學生活對我這個朋友的影響至深. 佢到依家都唔係好敢一個人坐巴士, 看事物又看得很灰….你話呀, 讀名校就是否一定好???

一位肥叔叔

我住的地方,離地車站有一定的距離, 每天上下班都要靠shuttle bus接駁的. Shuttle bus 的司機來來去去都係個幾個, 都認得曬佢地d樣子了.

其實, 做我地屋宛shuttle bus的司機有時都幾慘的, 一日到黑困在架車上面, 開住同樣的路程, 仲要顧住check上車的人有沒有住戶證. 所以平時見d司機大哥都是目無表情, 冇什麼禮貌, 有時更加會發下我地d 住客老皮tim.

不過都有例外的, 有一位肥叔叔, 成日都帶住頂紅色帽的. 他卻是完全的不同, 每次我地上車的時候他都會下車在車門口check 證同幫d 住客攞下d重嘢上落車呀咁, 又同d住客有講有笑咁. 好似返工返得好開心咁.

我唔係想講今時今日要有這個服務務態度云云. 而係想講同一份工, 點解會出現兩個完全不同的服務務態呢? 我覺得其實每件事都有正反兩面的. 只是在乎我地選擇我們則重於那一方面. 好似做司機咁, 這份工作的負面嘢上面都講左, 不過正面的可能是可以準時下班, 唔使好似有些人日日做十幾個個鍾沒完沒了沒有了私人的時間, OT有補水等等

我記得我之前看過一句說話, 大意是凡事都是看主觀的心而不在乎客觀的事的. 有時只你在乎你怎樣詮釋自己的遭遇罷了.

陳太, 辛苦你了

陳馮富珍當選世衛的總幹事, 從電視上看到她冇什麼笑容. 初時以為她疲倦之故. 不過諗深一層, 如果我係佢我都笑唔出, 這個位可謂中西方意識形態衝突的磨心位. 試想如果陳太任內中國又爆兩單人傳人禽流感, 而中國又好似以前咁收收埋埋, 一定會引起其他世衛的成員國不滿. 到時陳太就真係左右做人難. 其他世衛的成員國說:”我地當時選你就是因為你是中國人, 同大陸夾嘴形d. 可以令佢地增加透明度. 但大陸又說:”我地當時大鑼大鼓的支持你就是要你在世衛中頂著其他成員國的聲音, 唔好比佢地”干預”我們的內部事務. 你說陳太怎麼辦? 怎麼辦?

恩愛夫婦營

上個星期的重陽節假期, 和內人參加了由香港家庭更新協會所辦的恩愛夫婦營, 當然不是只有恩愛的夫婦才可以參加呢. 如果唔係我想全香港都沒有多少對的夫婦可以參加 :-p

營會是三日兩夜的. 當中有教授夫婦溝通的技巧, 如何互相彼此欣賞和認錯, 原生家庭對自己的影響等, 而且有很多的機會給你和你的另一半去做實習和同其他的夫婦交流.

導師是兩對受過香港家庭更新協會訓練的夫婦, 於其說是教導, 我想不如說成他們兩對夫婦是和我們分享他們的相處心得. 對於我們這些新婚的人來說, 我覺得其實是很有用的.

我會鼓勵我身邊的夫婦朋友參加這類營會的.

很多現代的夫婦關係唔好. 時常吵架又或者大打出手, 婚外情和離婚等, 不單對夫婦二人有影響, 如果他們有小朋友的話, 更加會對他們做成很大的傷害, 我好記得導師講夫婦的恩愛就是送給孩子們最好的禮物, 這對我的印象好深刻的, 雖然我和內人暫時都沒有小朋友, 但始終早些知道好過晚些才知道.

還有一點, 可能我們的原生家庭對於我們有一些不良的影響, 令我們的成長有一些陰影, 已至令我們產生了一些對他們的怨恨. 不過我們經是大人. 我覺得是有能力去衝破這些陰影, 使我們從怨恨中走出來. 只差在我們肯不肯去做罷了. 又有誰人不想自己有個和諧的家呢? 第一步就要由我們去做起. 上一代對我們的不良影響到我們這一代是時候要結束. 如果唔係又會再帶到落我們的下一代的了.